أم مثلج، أحاول أوازن بين مسؤولياتي، بيتي، وعيالي، وبين إني ألقى لي مساحة أعيش فيها وأبدع وأستمتع بالحياة شوي.

وقبل لا يكون عندي بيكسل، كنت أنا نفسي الأم اللي تدور.

على نشاط يشغل عيالي بشي مفيد وممتع.
على طريقة أبسط أشرح فيها فكرة أو واجب.
على أفكار للمناسبات، أماكن، تجارب وأشياء جديدة نسويها كعائلة.

وغالباً، ما ألقى اللي في بالي… فـ أسويه بنفسي.

ولأني أعرف شكثر يوم الأم مزدحم، وشكثر نقضي وقتًا ندور على فكرة حلوة، نشاط، هدية، شيء للمدرسة، أو حتى طريقة أسهل ننجز فيها أمورنا اليومية.

خطرت في بالي فكرة

Pixel Kuwait.

كنت أبي أصنع مكانًا تحبه الأم وتعرف إنها كل ما رجعت له راح تلقى شيئًا مفيدًا، جميلًا أو ممتعًا لها ولعائلتها.

مو بس منتجات نبيعها…

بيكسل بالنسبة لي مساحة للأفكار والإبداع والاكتشاف، ومكان أحاول من خلاله أسهّل عليج، أوفر وقتج، وأعطيج أفكار جاهزة بدل ما تبدين كل مرة من الصفر.